10 / 16
8
OlomBaovao N°118
« NY VAZAHA MODY MIADY,
FA NY MALAGASY MODY MIHAVANA »
Misaotra indrindra anao Eminence nanaiky hitafa vetivety
ho an’ny mpamaky ny takilam-pifandraisana « ISAN-TOKANTRANO » eto amin’ny
Fiangonana Katolika Malagasy eto Paris sy Ile de France (FKMP).
Fa mamaky azy koa ny any an-tanindrazana
amin’ny alalan’ny Gazety LAKROAN’I MADAGASIKARA.
– Miarahaba anao Eminence. Andro lehibe tokoa ny Alahady 08
Jolay 2018 eto amin’ny FKMP, satria io no Lamesa malagasy
voalohany tarihanao amin’ny fomba manetriketrika. Ianao no
Kardinaly Malagasy fahaefatra. Ahoana ny fihetsem-ponao teo
ampandrenesana fa voatendry ho Kardinaly ianao ?
Faly miarahaba antsika rehetra amin’izao fihaonantsika mianakavy
izao aho ka itarihako Lamesa malagasy voalohany eto Paris
taorian’ny nanendrena ahy ho Kardinaly. Tsy nampoiziko ny
nanendrena ahy ho Kardinaly ka velon-tebiteby ary sahiran-tsaina
aho. Noraisiko ho antso avy amin’Andriamanitra io fanendrena io ka
dia am-pinoana no nandraisako azy. Mila miantehitra amin’ny
fahasoavany mandrakariva aho
Avy hatrany dia tsaroako ny teny ao amin’ny Taratasin’i Md Paoly
ho an’ny Korintianian 2 Kôr. 12, 9 manao hoe :
“Ampy ho anao ny
fahasoavako”
– Tsy ny Kristianina Katolika irery fa ny vahoaka Malagasy rehetra
no niandrandra izany Kardinaly izany. Tonga ihany ilay vaovao
lehibe nandrasana ny 20 May 2018, ary natao nandritra ny
Consistoire tao Rome ny 28 Jona 2018. Koa inona tokoa ny lanja sy
anjara toeran’izany Kardinaly izany eo anivon’ny Fiangonana
Katolika ?
Ankoatry ny fahafahana mifidy izay ho Papa rahefa tonga ny
fotoanan’izany ny Kardinaly dia mpanolo-tsainan’i Papa izany hoe
mpiara-miasa aminy akaiky kokoa. Azo lazaina fa manana ny maha
izy azy ny Fiangonantsika eo anatrehan’i Papa Ray Masina ary
mihamafy hatrany ny fifandraisana aminy. Manana anjara toerana
ihany koa isika eo amin’ny fandrafetana ny Fiangonana maneran-
tany.
– Ny Fiangonana dia mijoro vavolombelona eo anivon’ny
fiarahamonina. Marary ny fiarahamonina Malagasy. Sady efa
mahantra ny vahoaka Malgasy no ianjadian’ny herisetra sy
tebiteby isanandro. Tao amin’ny hafatra navoakan’ny
Fivoriamben’ny Evekan’I Madagasikara ny 12 Novambra 2015, tao
Antananarivo, dia izao no voalaza tao : “
Tsy misy intsony ny
fanajana ny soa iombonana, babon’ny fitiavan-tena ny
ankamaroan’ny Malagasy ka potika ny fiainana amin’ny lafiny
rehetra
” (III.2). Nahazo Kardinaly I Madagasikara izao, inona no
mety miova eo amin’ny famindra sy fihetsiky ny Fiangonana any
Madagasikara ?
Tiako marihina fa manana ny fomba fiasany ny fiangonana katolika
amin’ny firenena anankiray amin’ny alalan’ny Fivondronamben’ny
Eveka. Io Fivondronamben’ny Eveka io dia manana ny Biraony,
manana ny Filohany.
Ny fanapahan-kevitra rehetra rehetra izay itambarana dia miainga
amin’io « Conférence » na Fivondronamben’ny Eveka io.
Ny fisian’ny Kardinaly dia tsy manova io rafitra io fa vao mainka
manamafy azy. Antenaina ary fa raha miteny izahay dia hanongilan-
tsofina ny rehetra ary hiova famindra isika mianakavy.
–
Ta o
a n a t i n ’ ny
Ta on a
Ma s i n a
momb a
n y
“FAMINDRAMPON’ANDRIAMANITRA” no nivoaka io hafatra
io. Fa maninona, Eminence, no mikatso ny Fampihavanana any
Madagasikara nefa voalaza fa soatoavina Malagasy ny
FIHAVANANA ?
Mikatso ny Fampihavanana aty Madagasikara nefa SOATOAVINA
malagasy ny Fihavanana.
Ny fampihavanana dia tsy midika hoe : avela tsimatimanota ny
olona rehetra, manaraka izany tsy maintsy ao anatin’ny
fahamarinana no ifampiresahana fa tsy ao anaty fihatsarambelatsihy.
Mila mahatsiaro tena ny tsirairay fa nanao ny tsy mety tokoa aho ka
nanimba zavatra eo amin’ny fiarahamonina.
Raha tsy misy ireo fepetra voalaza ireo sarotra ny miresaka
fampihavanana : raha tsy izany dia hoy ny sangisangy zary tenany
manao hoe :
Ny Vazaha mody miady fa ny Gasy mody mihavana
.
– Farany, inona no hafatrao ho an’ny Malagasy rehetra satria azy
ianao, ary ho an’ny Katolika Malagasy manokana ?
Misaotra ny olona rehetra izay naneho fitiavana tamin’ny fomba
maro : nitrotro am-bavaka, nahafoy tena sy fananana.
Samy hiezaka isika mianakavy mba handresy marina ny zavatra
mampikatso ny firenentsika amin’ny alalan’ny FIBEBAHANA. Ho
tia tanindrazana marina. Aoka tsy hilamin-tsaina amin’ny fisian’ny
elanelana mampiteny ny moana eo amin’ny mpanana sy ny
mahantra.
Hitsodrano izay ezaka hataontsika mianakavy anie ny Tompo ary
samy ho salama mandrakariva.
Misaotra indrindra, Eminence, ary mirary fahombiazana hombam-
pahasoavana ho anao. Miandry ny fiverenanao ny Malagasy. Ho
tsara miverina e.
Tafa nifanaovana tamin’i ELIASY Liva
Takilam-pifandraisana
ISAN-TOKANTRANO (FKMP)
Natao teto Paris, Zoma 06 Jolay 2018