TOKO TELO MAHAMASA-NAHANDRO
SY NY TELOZORO MAMOAFADY
4
OlomBaovao N°115
TOKO TELO MAHAMASA-NAHANDRO
Ny telo matetika dia isa lazaina fa maneho fahafenoana. Isa masina koa, hono, hoy ny sasany. Ny Malagasy dia milaza fa ny toko telo no
mahamasa-nahandro. Ary raha tsy ampy telo dia mitongilana ny vilany, ratsy ny nahandro, mitanila ny afo. Izany dia milaza fa ny fahaiza-
manao, fahaiza-mitantana dia tsy miangatra, tsy mitongilana. Fampiasantsika ombieny ombieny io teny toko io. Ary fanaperana raha mitady
toko, ka sendra vato. Raha resaka politika sy fitaizana ho antsika Malagasy, sahaza ny vahoaka, dia io toko io tokoa no teny tsara fampiasa. Ao
anatin’ny Demokrasia, iombonan’ny tany tena demokratika rehetra, dia misy toko telo ny Fahefana : mpanatanteraka, mpanao lalàna ary
mpitsara. Raha mifaningotra ireo, na mifampitsabaka, na tsy ampy toko iray dia efa azo lazaina fa fitondrana mirona any amin’ny jadona.
Mbola ampian’ny Malagasy hoe : ny hevitry ny maro mahataka-davitra. Misy ny fahalalam-pitenenana. Ary mitombo izao ny tambazotra-
piaraha-monina, mandeha haingana, fa tandremana ny antsoina hoe : fakom-baovao (
fake news
), vaovao tsy marina, manoso-potaka. Ary
tenierana ny zava-drehetra fa tsy manao tian-kano tsy tian-kano. Ny fifidianana madio, mangarahara, sy marina no miantoka izany rehetra
izany.
Izay mihoa-pefy dia misy ny Fitsarana tsy mitongilana. Tsy misy kandidàm-panjakana fa mitovy daholo ireo te ho fidina. Tsy azo atao izany
ny mampiasa ny fitaovam-panjakana. Izay no mahatonga ahy nilaza teny am-piandohana fa ao anatin’ny Demokrasia dia misy zavatra
mahavariana, tsy ampoizina nefa azo antoka, tahaka ny nahavoafidy an’I Emmanuel MACRON ho Filoham-pirenena Frantsay. Tsy ny
fahatanorana no jerena fa ny fahamatoran-tsaina, mahalala tsara ny fiaraha-monina, fahaiza-mihaino sy fahaiza-manaja. Anti-panahy sy
matotra, hoy ny Malagasy. Sao mahasodoka toa zozoro tanora, akondro maitso vololona : midokadoka toa tsy ho antitra, midoladola toa tsy
ho faty.Ary tsy misy ny fanaperana satria saonjo iray lohasaha, ka tsy ilaozan’izay hamarara. Toa ny zozoro mahitsy, fa telo rirany. Na izany
aza dia misy koa ny telozoro mamoafady.
Ny mampikatso sy mampandringa ny Firenentsika Malagasy ankoatran’ny tsy tan-dalàna, ny kolikoly ary ny tsy matimanota dia ny antsoiko
hoe : telozoro mamoafady.
TELOZORO MAMOAFADY
Voalohany,
ny fiaviana
. Mbola mavesatra ara-piaraha-monina ny resa-poko sady saropady. Hita io eo amin’ny lafiny rehetra, ka ny Fitsarana
tsy afaka manao ininona. Eny na ny Fiangonana aza indraindray. Raha voafaritra fa ny foko tatsy no nangalatra sy namono olona taroa amina
foko hafa taroa dia misy fomba maro tsy maintsy arahina raha tiana ny handamina haingana ny raharaha. Misy olona voampanga fa
nanodinkodim-bola an-tapitrisany ary miatrika famotorana ara-dalàna, dia tonga ny hafa iray fiaviana aminy na milaza ho izany, mitaky
famotsorana haingana fa “Zanak’i…” io ka havoahay. Na ny fanendrena Ministra sns…dia miankina amin’ny fiaviana vao fahaizana matetika.
Faharoa,
firazanana
. Misy ny avo razana sy iva razana. Andriana sy andevo. Tarazon’ny tantara. Izahay tsy manaiky entina andevo e.
Ambany tanàna ireny e. Aiza ilay Malagasy reny, Malagasy iray, tsimisaramianakavy.
Fahatelo, ny
iraisam-pirenena
. Tena efa zatra manompo vahiny na maka tahaka be fahantany ve isika Mlagasy ka na ny harem-pirenena
amidy antsokosoko amin’ny vahiny. Kobaka am-bava ny hoe : miaro ny vahoaka, fa atao tantely afa-drakotra ny harem-pirenena. Ny
Malagasy indray no mifaninana milaza ho mpomba Frantsay, na mpomba Anglisy sy ny sisa. Toe-tsaina voazanaka ve
izany ? Fa iza no mba mpomba ny Malagasy.Very fanahy mbola velona, toy ny valala voatango ; na mitebiteby to any
sahona ambodiriana.
Mbola mila fitaizana ho olom-pirenena vao ho tonga amin’izany hoe tena Repoblika izany Madagasikara izany, fa maka
tahaka fotsiny ny aty ivelany hatramin’izao.Lasa fitaovana politika ny firaisam-pirenena, ary toa fialam-boly ny fihavanana
fa tsy misy fototra. Miezaka isika mba ny toko telo mahamasa-nahandro no handresy. Dia ho Tany sambatra I Madagasikara.
Hankalaza ny faha- 57 taona nitsingerenan’ny Fahaleovantenany.
Gaga ny mpanara-maso poltika fa lany Filohan’ny Repoblika Frantsay I Emmanuel MACRON ny Alahady 07 May. Tanora
vao 39 taona fotsiny. Sady tsy mpikamba amina Antoko politika izy, no tsy olom-boafidy. Ny tany demokratika dia ahitan-
zava-mahavariana nefa azo antoka. Ary ny Nosy malalantsika I Madagasikara mba ahoana ?
Te hiaina ao anatin’ny fahafahana mateza isika rehetra. Ny tolona
politika rehetra dia mitaky izany na dia samy manana ny fomba
fijeriny avy aza. Ny mpandraharaha ara-toe-karena koa dia mitaky
fahalalahana. Tsy manaiky ny fitsabatsabahan’ny Fanjakana
amin’izany. Dradradradraina etsy sy eroa fa ny “Demokrasia’ ihany
no afaka miantoka fahafahana sy fampandrosoana mateza. Vitsy
anefa ny Firenena afaka milaza fa tena tany demokratika raha ny
sarin-tanin’izao tontolo izao no jerena. Tsy vita mora anefa izany
satria mila fifampitondrana ny ao anaty fiaraha-monina, raha tsy
izany dia Fanjakan’I Baroa. Samy manao izay tiany atao. Lomano
gana ka samy manao izay afany, na tantely afa-drakotra ka
anjakan’ny adala..
Liva ELIASY